Pauwi na talaga

Sa totoo lang hindi ko alam kung excited ako o kung ano pa ba.  Malapit na talaga akong umuwi. Yung mga nakaraang buwan na pakiramdam ko ay di matatapos sa paghihintay para lang makita uli ang aking munting anghel ay malapit nang matapos. Sa wakas.

Ang pagtitiis ng isang inang sobrang nangungulila sa kanyang unica ay mapapawi na.  Yung mga luha na madalas tumulo sa aking mga mata ay mapapalitan ng saya sa tuwing iniisip kong ilang araw na lang at mayayakap ko na at mahahalikan ang batang sa tuwing tumatawag ako ay sisigaw ng "mommy, mommy!"

Sabi nila mas mahirap daw ang umalis kapag nakauwi ka ng unang beses. Pero kahit pa. Walang makakapalit sa panahong pwede ko uling makasama ang aking pinakamamahal na anak.

Ilang tulog na lang anak.

Mahal na mahal ka,

Mommy